阜沙地区民谣：八月十五是中秋，有快乐也有愁

阜沙地区传唱较广的民谣

1.【旧民谣】（高棠歌调）

八月十五是中秋，有人快乐有人愁，

有人攞朝唔得晚，有人楼上叹风流。

2.【旧民谣】（高棠歌调）

人地七十笑嘻嘻，自己七十走开基，

吾望子孙孝敬我，只望我孙效我儿。

3.【旧民谣】（高棠歌调）

檐前滴水不差分，滴来滴去滴旧痕，

子孙有样会学样，老窦千冀米过份。

4.【儿歌】氹氹转

氹氹转，菊花园。炒米饼，糥米丸。

阿妈叫我去睇龙船，我唔睇，睇鸡仔。

鸡仔大，捉去卖，卖得几多钱，卖得三百钱，

俾百爸，俾百妈，留番一百捉鸡花，

鸡花大，鸡公捉去卖，鸡乸生春食唔晒，买油籴米养乖乖。

5.【儿歌】月份歌

正月正，敲铃铃，

二月二，逗利是，

三月三，逐鸡楠，

四月四，蚊螆搭渡厘，

五月五，龙舟鼓，

六月六，开芋屋，

七月七，洗屎窟，

八月八，蒸笼噎

九月九，糖糕吊到口，(www.xing528.com)

十月十，大把钱收入，

十一月冬，家家户户有粉樁，

十二月年，家家户户贴红钱，

噼呖啪嘞又一年。

6.【儿歌】月公公

月公公，有粒沙，俾女嫁疍家，

疍家会摸鱼，俾女嫁蠄蟝，蠄蟝会洽口，

俾女嫁乌狗，乌狗会装香，

白狗会扫地，细佬精乖又伶俐。

7.【儿歌】掘蛤乸

担担梆，掘掘下，

掘到老蛤乸，先生食蛤肉，师母饮蛤汤，

饮剩嘀嘀多，倒入菱角塘，

菱角开花白茫茫，茨菇开花红当当，

踏只戒指搬嫁妆，搬去边一度？

搬去大地塘。

8.【儿歌】落雨大

落雨大，水浸街，

阿哥担柴上街卖，阿嫂出街着花鞋，

花鞋花袜花腰带，珍珠蝴蝶两边排。

9.【童养媳歌】嗳姑乖

嗳姑乖，嗳姑大，嗳大姑仔嫁后街，

后街有乜卖，有鲜鱼鲜肉卖，又有靓花戴，

戴唔晒，摆落床头俾老鼠拉埋。